Croeso i dudalennau Cystadleuaeth Stori Fer Amgueddfa’r Bathdy Brenhinol.
Am y chweched flwyddyn yn olynol, rydym yn cynnal ein Cystadleuaeth Stori Fer flynyddol a phoblogaidd.
Mae’r gystadleuaeth ar agor i blant 7-11 oed.
Gwahoddir myfyrwyr i gyflwyno stori hyd at 500 gair yn ymwneud ag Aur. O drysor claddedig i ddaeargelloedd cudd yn llawn eurfarrau a darnau aur, rydym yn awyddus i’r myfyrwyr ddefnyddio’u dychymyg ac ysgrifennu am aur gloyw.
Please accept cookies to watch this video.
Darllenwch ein tudalen ysbrydoliaeth i gael rhagor o wybodaeth am aur, y modd y caiff ei ddefnyddio a’r modd y mae wedi tanio dychymyg pobl. Gobeithio y cewch eich ysbrydoli i ysgrifennu eich stori wreiddiol eich hun. Os ydych yn dymuno, gallwch lawrlwytho ein Taflen Waith Ysgrifennu Stori i’ch helpu i gynllunio ac ysgrifennu eich stori.
Bydd y gystadleuaeth ar agor rhwng 16 Chwefror ac 17 Ebrill 2026. Yn syml, gallwch gyflwyno eich straeon yma neu gallwch eu postio trwy ddilyn y canllawiau yn ein Cwestiynau Cyffredin.
Bydd yr enillydd yn cael darn aur a £5,000 ar gyfer ei ysgol neu ei lyfrgell, a bydd y stori’n cael ei darlunio gan arlunydd.
Bydd enwau’r enillwyr yn cael eu cyhoeddi ar ein gwefan ym mis Mai. Sylwer: gan ein bod yn disgwyl nifer fawr o gystadleuwyr, dim ond os byddwch yn ennill gwobr y byddwn yn cysylltu â chi.
Cysylltwch â ni am ragor o wybodaeth: storycompetition@royalmintmuseum.org.uk
